Prezident İlham Əliyev Azərbaycan Respublikası Qida Təhlükəsizliyi Agentliyinin (AQTA) sədr müavini vəzifəsinə təyinatla bağlı Sərəncam imzalayıb.
Edaletyolu.info xəbər verir ki, sərəncama əsasən, Əli Tahir oğlu Nəbiyev AQTA-nın sədr müavini təyin edilib.
Yeni təyinatla Əli Nəbiyev bu vəzifədə Balarəhim Mirzəağa oğlu Quliyevi əvəz edib.
Qeyd edək ki, Əli Nəbiyev bu təyinata qədər agentliyin tabeliyində fəaliyyət göstərən Azərbaycan Qida Təhlükəsizliyi İnstitutunun publik hüquqi şəxs kimi İdarə Heyətinin sədri vəzifəsində çalışıb.
