Şəhid Xəyalın anasının acı həsrəti sətirlərdə
Tənhalıqdan yaman bezib ürəyim,
Sənsiz yaşamağım incidir məni.
Gördüyün yuxular yalan olaydı,
Həsrətin üzdükcə hey didir məni.
***
Ömrümün günəşi sönübdür daha,
Sənsiz zülmət gecəm belimi bükür.
Kədərdən, qüssədən qurtarmır yaxa.
Həsrətin ovduqca bağrımı sökür.
***
Qaldın ürəyimin dərinliyində,
Getdiyin yollardan qayıtmaz oldun.
Ən ağır, sağalmaz yarayla getdin,
Dönüb bayatıya qəlbimə doldun.
***
Sənsizlik qəlbimə zülüm, əzabdı,
Qüssədən, kədərdən gülə bilmirəm.
Indi öz - özümə tənha qalmışam,
Gözümün yaşını silə bilmirəm.
***
Sən mənim qəlbimə elə dağ çəkdin,
Bağladı yolumu duman, çən balam.
Bütün xəyallarım sənə bağlıdır,
Unuda bilmirəm, səni mən balam!..
Xatirə Xəyal - Şəhid Xəyalın anası
05.03.2021.
