“Gözümü açandan ilk sevgim anam olub. Elə gec ailə qurmağımın səbəbi də məhz bu idi”.
Edaletyou.info NOCOMMENT.az - a istinadən xəbər verir ki, bu fikri Xalq artisti Zeynəb Xanlarova 25 il əvvəl – 2001-ci ildə Mehriban Ələkbərzadənin “Persona” verilişində səsləndirib.
“Anamı o qədər sevmişəm ki, ailə qurmağı da yadımdan çıxarmışdım” deyən Xalq artisti ana sevgisinə görə Allaha təşəkkür edib.
Dediyinə görə, uşaqlarına öləndə anasının qəbrinin ayaq hissəsində dəfn edilməsini vəsiyyət edib:
“Uşaqlarıma da demişəm ki, mən öləndə meyitimi yandırıb anamın ayağının altında basdırarsınız. Ki, ondan ayrı düşməyim. Amma Səlim (rəhmətlik həyat yoldaşı – red.) həmişə deyərdi ki, narahat olma, sən öləndə səni Fəxri Xiyabanda basdıracaqlar”.
“Övladlarıma demişəm, mən rəhmətə gedəndən sonra mənim yox, anamın qəbrini ziyarət etsəniz,ruhum da şad olacaq”, – Zeynəb Xanlarova əlavə edib.
